جتني مشاعل تعاتب والعتب تستزيده
يا زينها ويا زين
حتى عتبها
قالت مرهف تجيد الشعرقلت إيه أجيده
هي جت كذا لازم أنفذ طلبها
قالت يامرهف أبيك تقول فيني قصيدة أبي الجموع تصيح منهو كتبها
ابي القوافي والمشاعر فريدة
ابيك تتعبني وأحس
بتعبها
أبيك تلعب في بحورٍ جديده
أنت الوحيد اليا
لعبها .. لعبها
تكفى طلبتك يامرهف يا ولد فريده جبها على الطاروق يا شيخ جبها
المشكلة صغيره وطفلة عنيدة
قبل سنة قطت
بقايا لعبها
واليوم سيد الناس تصير سيده
كم سيد قوم جا
لبوها خطبها
يلعن ابو جد الشعور وكديده
إن كان ما ولّد
قصيد بسببها
الزين من ربي ويعطي عبيده
مهي من اللي
زينها في ذهبها
وإذا نوت حي تكيده ... تكيده
يا قبلة الله يوم
ترخي هدبها
ويا شعرها لامن عصاها تعيده
للخلف ويغطي
مثاني ركبها
والطول يا أهل الطول عنق الفريده
طولي إذا قطت
صغيّر كعبها
وشلون أعدد من صفات عديده
يكفي تأدب جيلها
من أدبها
عندي قريبة بس عني بعيده وهي مسألة صعبة على من حسبها
يا الله عساني قلت فيها قصيدة
وعسى قصيدي يا ناس
عجبها
ليست هناك تعليقات:
إرسال تعليق