لنــا الله ... يـالــــي عليــــنـا تغـليــــت ...؟
هـذا جـزا مـــن يحب .. يخــرب.. شـراعــه
شربت حبك بقلب صافي ومن مره تقهويت
أنشهد إن أهل الحب في وفى ـآ وأنت في قطاعه
ولا تحســـب بتغليــــك انـــــك علــي ... زليــت
قـولــي مــا بيــك ... وخلـي عنـــدك شجاعـــه
ولا تفكـــري.. بحبــــي لــك أنـــي أنذليــــــت
شامــــــخ راســـي مــا تهــزه منــك فظـاعـــه
مشكـــــور...! يـالــي علـى بـالــي طليـــــــت
هــذا جـــزا ....؟ قـلــب تجــرع حبـك جراعــه
يــوم تقبـــلي عـلـــي رحبـت فيــك وهليــــــــت
والحيــن العيـــن تتمنـــع ... عنـــك منـاعــــه
صــدق مـن قـال لا تسمــع لمــن قـال حبيــــت
كــذوب الهـــــرج وتـأكــــد مـــن طبــاعـــــــه
واليـوم يـا بنـت نجـد تـرانـي عن حبك تخليــت
قطعــت عـروق قلب(ن) يحبك وغسلت شراعه
وأبشــرك خــلاص عنــك تـرفعـت وتعليــــت
ومن باعني برخيص قلبي برخص التراب باعه
واليـوم .. يـا أهــل الحـــب عنـها تخليــــت
أهــديتـها قلــب لـوعـــت بــــه لــواعــــــــه
بكــرا تـرد وتقــول مثـل حبـك ابـد مـا لقيـت
ابشــر بقلـب ما يخلـي فـي قلبـك أوجاعــــــه
ومشكــور يـالـــي عليـنــا تغـليـــــت .......!
هــذا جـــزا قلــب شـرع فـي حبـك شـراعـــه
ليست هناك تعليقات:
إرسال تعليق